"Мектепке дейінгі үздік ұйым - 2022

«Мектепке дейінгі үздік ұйым - 2022»

облыстық  байқауын өткізу туралы

ЕРЕЖЕ

1. Жалпы ережелер

1.1. Осы Ереже «Мектепке дейінгі үздік ұйым – 2022» облыстық байқауының (бұдан әрі – Байқау) мақсаты мен міндеттерін айқындайды, ұйымдастыру тәртібі мен өткізу шарттарын белгілейді.

1.2. Байқау ҚР БҒМ «Балаларды ерте дамыту институты» РММ-нің (бұдан әрі – Институт) 2022 жылға арналған жұмыс жоспарына сәйкес өткізіледі.

1.3. Мақсаты: мектепке дейінгі білім берудің үздік үлгілерін анықтау және жариялау, мектепке дейінгі ұйымдардың шығармашылықпен жұмыс істейтін ұжымдарын қолдау және ынталандыру.

1.4. Міндеттері:

- мектепке дейінгі ұйым ұсынатын білім беру қызметтерінің сапасын арттыру;

- мектепке дейінгі ұйымының қызметін басқару және ұйымдастыру, сапасын арттыру;

- веб-сайттың жұмысын белсендіру;

- мектепке дейінгі білім беру жүйесі педагог қызметкерлерінің шығармашылық бастамаларын дамыту, педагогтерді инновациялық қызметке ынталандыру;

- мектепке дейінгі ұйымдардың шығармашылық ұжымдарын анықтау, қолдау және ынталандыру, инновациялық тәжірибені тарату.